LAOAG CITY – Tinakaw ti maysa a lalaki ti cellphone ti maysa nga aglaklako iti merkado publiko iti siudad ti Laoag.
Nakita iti CCTV nga apaman a limmabas ti lalaki ket ditoy a kinaotna ti cellphone nga ada iti bag ti biktima ken pasimple a nagderderetso a nagna.
Segun iti biktima, bayat a napasamak ti panagtakaw ket manarimaan ti panangsistirda iti maysa a costumer-da isu ti panangibatina ti bag-na iti tugaw a kas masansananan nga ububraen
Inbatadna nga apaman nga agsubli iti tugaw ken kitaenna ti cellphone-na ditoyen a naduktalanna a mapukpukaw daytoyen.
Innayonna pay a daytoy ti umuna a gundaway nga ada ti kastoy a napasamak kenkuana a segun kenkuana, agdagup ti P5,000 ti natakaw a cellphone-na.
Gapu iti daytoy, insigida nga in-review-da ti CCTV ket ditoyen a nakitada ti panangtakaw ti suspek ti ramitna ken inpettengna a saanna a masinunuo ti kinasiasinno ti lalaki a suspek.
Kabayatanna, nagturong ti biktima iti istasion ti pulis iti siudad para iti pannakaipa-blotter ti nasao a pasamak.
