LAOAG CITY – Maysa a train enthusiast idiay Japan ti nakagun-od ti world record kalpasan a nabisitana amin ti subway stations idiay Tokyo iti nabiit a panawen.
Kinumpirmaran ti Guinness World Records a ni Shona Noguchi ti baro a record holder ti titulo a “Fastest Time to Travel to all Tokyo subway stations.”
Daytoy ket kalpasan a nabisitana amin dagiti 285 a subway stations iti record time a 13 hours and 53 minutes.
Ti Tokyo ti maysa kadagiti addaan ti nakumplikado a subway train system iti intero a lubong.
Kaadduan kadagiti istasion daytoy ket adda idiay Tokyo no sadinno dagiti dadduma ket adda iti ruar ti Tokyo metropolis ken masarakan iti kaparanget a prefecture a Saitama ken Chiba.
Rinugian ni Noguchi ti biahena iti Nishi-magome station ti 8:22 ti bigat.
Nakadanon isuna iti maika-285 nga station a Nishi-takashimadaria ti 10:18 ti rabii.
Gapu ta saan nga uso ti train delay idiay Japan, saan a nagkaproblema nga alisto a malpas ti record attempt-na.
Inbatad ni Noguchi, ti karigatan a napasaranna iti record attempt ket ti nabayag ken makapaattang a panagtakder.
Kabayatanna, dumanon iti 14 nga oras ti kapaot a nakatakder kadagiti biahena.
