LAOAG CITY – Natay ti maysa a lalaki kalpasan a binagkong ti kabsat na iti Brgy. Natba iti ili ti Bacarra.
Binigbig ni Police Captain Dionisio Baldillo, hepe ti PNP Bacarra, dagiti agkabsat nga isuda Edwin Paulino, biktima, agtawen ti 34 kenni Elson Paulino, suspek, agtawen ti 42, agpada a residente iti nasao a barangay.
Segun kenni Baldillo, nakainom dagiti agkabsat idi rabii idi ta adda ti saan da a nagkinnaawatan agingga a nagtennag a pammagkong a poon ti ipupusay ti ub-ubing a Paulino.
Kuna na a daytoy ti kapalaloan a panagriri dagiti agkabsat.
Inbatad ni Baldillo a basar iti imbestigasyon ket kinumprontar ti biktima ti suspek seknan ti naisalda a lote rason iti saan da a panagkinnaawatan.
Kabayatanna, saan nga interesado ti ina a pilaan ti reklamo ti suspek nga anak na.
