LAOAG CITY – Natiliw ti maysa a lalaki kalpasan a kinabkabil na ti menor de edad a kaanakan na iti paset ti Brgy. 18, San Isidro iti ili Sarrat.
Nabigbig ti suspek a ni Hector Rasalan y Lagula, agtawen ti 29, awanan ti asawa, maysa a mannalon idinto a ti biktima ket agtawen ti 13, maysa a Grade 11 student iti Dingras National High School, agpada a residente iti nasao a barangay.
Segun kenni Senior Police Inspector Roldan Suitos, hepe ti PNP-Sarrat, inadmitir ti suspek a nakaro ti kinabartek isut gapo na a nakabil na ti biktima.
Inbatad na nga idi asitgan da ti suspek ket adda ti nakita da nga immuko iti bulsa ti short na ken dua a bala ti cal. 45 a paltog.
Naamoan a ti rason ti suspek no apay nga adda ti paltog na ket gapo ta anting-anting na laeng daytoy.
Kunana nga uray inbaga ti suspek nga awan ti paltog na ket nagkiddaw da ti beripikasyon iti Firearms and Explosive Division iti Camp Crame.
Gapo iti daytoy, linabsing ni Rasalan ti Comelec gun ban, physical injury, RA 10591 ken Illegal Possesion of Deadly Weapon.
Iti agdama, nagtalinaed ti kustudyar ti PNP-Sarrat ti nasao a suspek.
