LAOAG CITY – Natiliw ti maysa a lalaki iti drug buy bust operation nga inwayat ti PNP San Nicolas.
Nabigbig daytoy a ni Zaldy Barroga, agtawen ti 47, naasawaan, maysa a karpintero ken residente iti Brgy.14 San Gregoria iti nasao nga ili.
Naamoan a ni Barroga ket adda iti drug watchlist iti nadakamat nga ili ken saan a simuko.
Naala iti ikot ti suspek ti maysa a sachet ti maatap a shabu ken 500 a pisos a marked money.
Sumango ti suspek iti kaso a panaglabsing ti RA 9165 wenno Comprehensive Dangerous Drugs Act of 2002.
Ti nasao a suspek ket naitunda iti Governor Roque Ablan Senior Memorial Hospital tapno ma-examen kalpasan na maisubli iti PNP.
Daytoy ket tapno maisagana ti kaso mainaig iti panagikot ken panagusar ti shabu.
