LAOAG CITY – Saan a nakapasa ti Laoag City Public Market and Commercial Complex iti precautionary measure basar iti resulta ti inspeksion ti Bureau of Fire Protection ken City Engineering Office.
Segun ken ni Laoag City Mayor James Bryan Alcid, adu pay ti kasapulan a maiplastar kas dagiti sprinklers, fire alarms, fire extinguisher ken dadduma pay.
Inbatadna nga adda ti naawatna a report no sadinno a nakailanad dagiti wagas tapno maiplastar dagiti problema iti kabiitan a panawen.
Inlawlawagna a babaen iti daytoy ket maliklikan dagiti aniaman a didigra kas iti uram.
Maipalagip a nangiwayat ti inspeksion ti Bureau of Fire Protection ken City Engineering Office iti merkado publiko ditoy siudad ti Laoag tapno masigurado a nakasagana dagitoy no bilang adda ti mapasamak nga uram.
