LAOAG CITY – Nalukatanen ti Laval Tube iti Volcano National Park iti Big Island, Hawaii.
Basar iti report ni Bombo International Correspondent Manny Pascua, natarimaan dagiti otoridad dagiti nadadael a paset ti Lava Tube iti asideg ti crater ti Kiluea Volcano.
Kuna na nga uray naglukat ti nasao a parke ket adda dagiti sumagmamano a paset na iti maipawil a pagturungan dagiti turista.
Ti Lava Tube ti maysa kadagiti tallo a tourist attraction iti maysa kadagiti aktibo a buklan iti intero a lubong.
Maipalagip a nadadael ti nasao a parke kalpasan ti panagalburuto ti nasao a bulkan agarup dua a tawenen ti napalabas.
