LAOAG CITY – Nagpinnirma ti Local Government Unit ditoy siudad ti Laoag ken 5 nga estudiante ti memorandum of agreement para iti pannakaipaay ti Laoag City Scholarship Program.
Mainaig iti daytoy, ti nasao nga addang ket wagas tapnu makatulong kadagiti estudyante nangruna kadagiti agbasbasa iti colleges ken universities ditoy probinsiya tapno maepepan ti kasapulan da iti pinansial.
Nakaaawat ti P1,500 iti tunggal estudiante kas nakaibasar iti terms and condition a nakailanad iti memorandum of agreement.
Nabigbig dagiti estudiante a naipaayan nga ida Princess Geovi Alpe, Carlito Acoba, Alwin Alcaraz, Jessica Mateo, ken Daniel Carl Manuel.
Inpakaammo ti lokal a gobierno ditoy siudad a dagitoy ket maika-pito a batch ti scholars iti nadakamat a programa.
Kabayatanna, ti nasao nga addang ket naaramid babaen iti City Ordinance No. 2005-064 series of 2005 nga addaan ti P6.5-M annual budget para kadagiti 4333 nga estudiante iti School Year 2024-2025.
