LAOAG CITY – Inbatad ni Mayor James Bryan Alcid a mangipaay ti gobierno lokal ti temporaryo a pagnaedan dagiti badjao a matiliw da ditoy ciudad ti Laoag nga awan ti pagtaengan na ditoy probinsya.
Kuna na a mabalin nga usaren ti gobierno lokal ditoy ciudad dagiti evacuation centers nangruna iti pasilidad a masarakan iti Brgy. Cabungaan.
Nupay kasta, inlawlawag ti mayor a no maduktalan da nga adda ti bukod a pagtaengan dagiti Badjao iti sabali nga ili ket napinpintas no isubli da a dagus dagitoy kalpasan a makasarita da.
Iti agdama, iyur-uray laengen ti mayor ti listaan no mabo ti bilang dagiti badjao a nakasarita dagiti otoridad ken tapno matingiting no epektibo i ar-aramiden ti gobierno lokal ditoy ciudad.
Maipalagip nga inpakaammo ni Mayor Alcid nga adda dagiti naidanun a reklamo iti opisina na babaen kadagiti sumagmamano a residente ditoy ciudad gapu iti umad-ado a bilang dagiti badjao ditoy ciudad ti Laoag.
Kuna na nga apaman a naidanun ti reklamo iti opisina na ket pinaayaban na a dagus ti City Social Welfare and Development, City Disaster Risk Reduction and Management Council, Department of Public Safety, ken ti Philippine National Police tapno pagsasaritaan da daytoy a banag.
Segun iti mayor, kabayatan ti panagtataripnong da ket napagtutulagan da nga iyimplementar ti mendicant ordinance a pinutar ti Sang Panlungsod.
Inlawlawag na a naipalaon iti ordinansa a mapan da alaen dagiti badjao ken ikabil da it pasilidad ti kunana a nakaipalaon kadaytoy nga ordinansa a mapan da alaen dagiti badjao ket maikabil iti pasilidad City Social Welfare and Development wenno City Disaster Risk Reduction and Management Council tapno kasarita da dagitoy kalpasan na ket maisubli da iti naggapwan da iti ili ti Badoc.
Innayon ti mayor a malaksid iti daytoy ket makikoordinar ti gobierno lokal ditoy ciudad ti Laoag iti gobierno lokal iti ili ti Badoc tapno masigurado a saanen nga agsubli dagitoy Badjao ditoy ciudad.
