LAOAG CITY – Umanamong ni Hon. Ryan John Pascua, Liga ng mga Barangay President ditoy probinsia ti Ilocos Norte iti pannakaaprubar ti 5 a tawen a panagserbi dagiti Barangay ken Sanguniang Kabataan ditoy pagilian.
Segun kenkuana, makatulong daytoy kadagiti opisial, pakairamanan kadagiti 559 a barangay ditoy probinsia tapno maituloyda nga aramiden dagiti kalikagumda a pagsayaatan kadagiti kabukbukodanda a barangay.
Impakaammona nga adda ti sursurutenda a pammilin manipud iti Department of the Interior and Local Govrnment a 5 a tawen ti barangay development program pakairamanan dagiti banag a kalikagum nga i-implementar ti maysa nga opisial iso a mamati daytoy a nasken a lima tawen met ti panagserbi dagiti tunggal opisial ti barangay.
Innayonna pay a ti tallo a tawen ket saan nga umanay kadakuada gapu kadagiti kinaado dagiti seminar ken training programs a masapol nga atendaran dagiti opisial iti umuna a tawen ti panagserbida.
Inpettengna a marigatan dagiti kabaruanan a barangay officials nga ag-adjust iti maysa laeng a tawen manipud iti tallo laeng a tawen a panagserbida gapu ta masapol da a sanayen ti bagida tapno maipaayda ti umno a trabaho iti barangayda.
Malaksid kadayta, inpanagetgetna a ti pannakaipatungpal ti lima a tawen ti panagserbi dagiti Barangay ken Sanguniang Kabataan ket tapno makissayan dagiti panagririri dagiti agkakabagyan ken agkakarruba iti maysa a barangay.
