LAOAG CITY – Karaman dagiti lima a barangay ditoy siudad ti Laoag iti Expansion Project ti Prime Water.
Segun ken ni Mr. Belvin Sanchez, branch manager ti prime water, naaprubaran iti pannakairaman dagiti sumagmamano a barangay babaen iti pannakaipresentar iti board.
Kuna na a karaman ditoy ti Brgy. Lataag, Lagui Sail, Mangato West, Apaya ken Sta. Rosa.
Mainaig iti daytoy, inpakaammo ni Sanchez nga iti agdama ket manarimaan ti pannakaaprubar ti pondo ken bidding kadagiti contractor a mangubra iti nasao a proyekto. Kabayatanna, kiniddaw ni Sanchez ti tulong iti Sangguniang Panlungsod tapno maileppas agingga iti maudi a kwarter ita a tawen 2023.
