LAOAG CITY – Asasikasuen ti Department of Justice (DOJ) dagiti proseso tapno saan a makapanaw ni Bamban, Tarlac Mayor Alice Guo ditoy pagilian.
Daytoy ket kalpasan a pormal a nangipila ti Presidential Anti-Organized Crime Commission iti qualified trafficking complaint gapu iti relasion ni Guo iti illegal a Philippine Offshore Gaming Operators Zun Yuan Technology Incorporated nga imun-una nga in-raid dagiti otoridad.
Segun kenni Justice Undersecretary Nicholas Ty, tartarimaanen da iti agdama ti Immigration lookout bulletin order, a nairanta a mairuar inton sumaruno a lawas.
Iti agdama, ket ur-urayenda laeng a pirmaan ni Justice Secretary Jesus Crispin Remulla ti lookout order.
Innayon pay ni Ty a nasken a mamonitor ti aramid dagiti akusado gapu ta maibilangda a “flight risk” wenno mabalin nga agkamangda iti sabali a pagilian.
Malaksid kenni Guo, ket adda pay 13 nga indibidual ti sumangsango iti qualified trafficking charges.
