LAOAG CITY – Inpasigurado ti Department of Justice (DOJ) nga agtultuloy iti panaggaraw dagiti kaso iti pannakapukaw dagiti mammallot.
Segun ken ni Justice Secretary Fredderick Vida, agtultuloy iti panaggaraw iti kaso ken siguradwen da a saan nga agsardeng ti prosecution iti panangtungpal iti mandatoda.
Gagem da a madusa dagiti adda iti likudan iti pannakapukaw dagiti mammallot kangrunaan ti negosyante a ni Charlie “Atong” Ang ken dadduma pay a karaman wenno akusado.
Inpaganetget ti sekretaryo a nakatutok ti atensyon ken nakabasar iti panagimbestigar ti prosecution iti kinapudno.
