LAOAG CITY – Mabalin dagiti kandidato ditoy Ilocos Norte iti agkiddaw iti security personnel a kameng ti PNP.
Inbatad daytoy ni P/Supt. Jay Deguzman, Deputy Prov’l. Director for Administration ti INPPO.
Segun ken ni Deguzman, ti laeng aramiden dagiti agkalikagum a maaddaan ti security a pulis ket agsurat da.
Kuna na a mabalin nga ibaga ti agkidkiddaw no ania ti rason a kasapulan na ti guwardiya a pulis.
Inpagunamgunam na a no maikkan ti gundaway dagiti kandidato a maaddaan iti guwardiya a pulis ket saan da a mabalin nga itugot iti ruar ti probinsiya.
