LAOAG CITY – Inlawlawag ni Engr. Neil Jose, mangimatmaton ti maysa a bus company ditoy probinsya a makadalyasaten dagiti sumagmamano a lugan iti paset ti ili ti Pagudpud.
Segun kenni Jose, agingga laeng iti bus ti kadagsenan a mabalin a makadalyasat iti paset ti Sta. Praxedes gapo ta nalukneng pay laeng ti daga iti nasao a kalsada.
Inpakammo na pay a saan a mabalin nga agitugot ti nadadagsen a bagahe gapo ta istrikto pay laeng iparit da dagitoy kas iti sangasako a bagas.
Inbatad na a ti naipakammo kenkuana dagiti adda iti nasao a lugar ket no no agsardeng ti tudo wenno arbis ket deretso met ti panagtangken ti kalsada.
Kunana a ti laeng DPWH idiay Cagayan ti makaibaga no kaano a makadalyasat dagiti nadadagsen a lugan.
