LAOAG CITY – Inaprubaranen ti Senado ti Magna Carta para kadagiti Barangay Health Workers (BHW), a nasken a puersa ti gobierno para iti sibubukel a kinasalun-at gapu ta isuda ti umuna a pagturturongan no adda marikna a sakit.
Segun ken ni Senador Risa Hontiveros, author ti nasao a gakat, nasken ti papel dagiti barangay health workers iti kinasalun-at iso nga masapol a maikkanda ti naananay a suporta manipud iti gobierno.
Mainaig iti daytoy, maipaayan dagiti Barangay Health Workers (BHW) ti binulan a volunteer benefit nga agdagup iti P3,000 kas suportar iti pinansial a transportasion, hazard allowance, cash gift, loyalty incentive, insurance, libreng legal aid ken psychosocial ken mental health services.
