LAOAG CITY – Maapektaran dagiti nagduduma a proyekto, serbisyo ken programa a para kadagiti Pilipino gapu iti dumakdakkel nga utang ti Pilipinas.
Daytoy ti inbatad ni Prof. Karl Lenin Benigno, political analyst iti Northwestern University kalpasan a nairekord ti P13.644 trillion a pisos agingga idi Nobiembre 2022.
Kuna ni Benigno nga imbes a mapan kadagiti nagduduma a programa dagiti maukkon ti gobierno a kwarta ket isu ti mausar a pagbayad ti utang gapu ta maspaol a regular daytoy.
Mainaig iti daytoy, inbatad ni Benigno a ti akem ti gobierno ket makaukkon ti revenue para iti Pilipinas.
Gapu iti daytoy, inpasingked na a masapol a maaddan ti napintas a sistema ti gobierno para iti ad-adda a panangpadur-as ti ekonomiya nga isu met ti kangrunaan a paggapoan ti pamastrekan ti Pilipinas.
Immunan nga inbatad ni Benigno a nu ngumato pay ti utang ti Pilipinas ket amangan nu maipada iti pagilian a Bangladesh nu sadino a maipaabang ti resources na gapu iti dakkel nga utang.
Kabayatanna, kuna na a mangnamnama nga usaren ti gobierno ti utang iti pannakapadur-as ti nagduduma a proyekto, serbisyo ken pagsayaatan dagiti Pilipino.
