LAOAG CITY – Maipawil dagiti mass gatherings iti ciudad ti Kinshasa ken dadduma pay a probinsya iti Democratic Republic of Congo tapno maliklikan ti panagwaras ti Ebola.
Segun iti interior minister, ti agdama nga outbreak iti makapatay a sakit ket na-detect kadagiti tallo a probinsya iti dayaen ciudad ti Kinshasa.
Agamak dagiti otoridad amangan no agwaras daytoy iti ciudad nga addaan ti 18 a milyon a populasyon.
Karaman kadagiti tallo a probinsya nga apektado ti ban ket ti Tshopo, Haut-Uele ken Bas-Uele a nakakumpirmaran ti sakit.
Nupay kasta, adda ti sumagmamano a mabigbig nga indibidual manipod iti opposition parties a nangkritikar iti nasao a pammilin, ken nagpangta da a mangipatungpal ti tignay protesta intono Hulyo 8 ita a tawen.
Saanen a kayat pay a tutupan ti gobierno ti Democratic Republic of Congo ti nasao a kritisismo manipod kadagiti partido ti oposisyon.
