LAOAG CITY – Umaboten iti 782 ti kumpirmado a kaso ti Ebola iti Democratic Republic of Congo kalpasan a nanayonan ti 72 a baro a kaso iti napalabas a 24 nga oras.
Daytoy ket kadakkelan a panagngato ti bilang iti maysa nga aldaw laeng iti agtultuloy nga outbreak.
Karaman kadagiti kumpirmado a kaso ti Ebola ti 181 a natay basar iti datos ti gobierno.
Nagtalinaed met iti tallo a probinsia ti Congo nga Ituri, North Kivu ken South Kivu dagiti kaso dagitoy.
