LAOAG CITY – Inbatad ni Police Supt. Jay de Guzman, deputy provincial director for administration iti Ilocos Norte Police Provincial Office (INPPO) a derektiba ti national headquarters ti clean rider sticker a na-launch idi kalman babaen ti Philippine National Police (PNP).
Segun kenni Guzman, dagiti maikkan ti sticker ket dagiti motorsiklo a kumpleto ti registration na, helmet, adda ti lisensya na.
Inbatad na a kabayatan ti checkpoint ket makita a saan nga agpada ti sticker ken serial number ti helmet ket mabalin a masitar no apay nga adda kenkuana ti motorsiklo.
Inlawlawag na a babaen iti daytoy ket maliklikan ti kaso ti carnapping ken dadduma pay a krimen.
Mainaig iti daytoy, kuna ni Guzman a saan a mapilit dagiti motorista a mangala ti sticker ngem nupay kasta, kanayun na a masita no saan nga agpada ti serial number ken sticker.
Inpetteng ni Guzman a dakkel ti sungbatan ti maysa a motorista no tuladen na ti clean rider sticker.
