LAOAG CITY – Binisita ni Mayor James Bryan Alcid ti sitwasion iti City Library ken ti dati a dumpsite ditoy ciudad ti Laoag.
Daytoy ket kalpasan a kalikagom na a mausar a nasayaat ti pasilidad ti ABC Building ti lokal a gobierno.
Kadua ni Mayor Alcid dagiti sumagmamano a miembro ti Sangguniang Panlungsod, Department Heads ken empleado ti gobierno siudad ken opisyal ti barangay iti naisayangkat nga ocular inspection.
Kunana nga ado dagiti mabalin a pangopisinaan pakairamanan dagiti gamit a mabalin paylaeng nga usaren.
Inpasingkedna a kitaen na dagiti wagas tapno mausar ti pasdek para iti al-alisto a serbisio kadagiti umili.
Malakasid iti daytoy, napanna pay kinita ti dati a dump site iti Barangay Lagui-Sail ditoy ciudad.
Inbatad na a nalawa ti lugar ken napintas a madevelop kas koma iti turismo, kagiddan ti panangipasingked na a mapasayaat dagitoy a pasilidad.
