LAOAG CITY – Agtultuloy ti panangipakita ni Mayor Aldrin Garvida ti suportana kadagiti estudiante iti babaen ti ARAL program iti ili ti Nueva Era.
Inlawlawagna a babaen kadaytoy a programa ket matulungan dagiti agad-dal kangrunanna dagiti marigatan nga agbasa.
Kunana a dagiti scholars-da a mangisursurot ti maysa kadagiti mangbayabay kadagiti ubbing a marigatan nga agbasa.
Mainaig iti daytoy, ginutigotna dagiti amin a nagannak iti nasao nga ili nga agkaykaysa tapno agbanag dagiti rigat ken sakripisioda para kadagiti annakda.
Kabayatanna, kunana a napintas daytoy a pundasion tapno magun-od dagiti ubbing ti arapaapda ken masubadan to ti napintas a masakbayan dagiti nagannakda.
