LAOAG CITY – Ibilang ni Mayor Joseph De Lara a pammerdi kenkauana dagiti maibatbato nga alegasion kenkuana nangruna iti Dummy Account nga Akron Hammer.
Segun kenkuana, amammona no siasinno ti adda ti likudan iti nadakamat nga account gapu ta napan daytoy iti Cyber Crime Unit.
Malaksid iti daytoy, nagyaman ni Mayor Joseph De lara ken ni Sangguniang Bayan Member Marvin Pascua, chairman ti Committee on Peace and order iti ili ti Solsona, gapu iti kalilagumna a maikkan ti hustisia dagiti amin a nagbalin a biktima ti pammaltog iti ili ti Solsona.
Segun kekuana, saanen a masapolen ti resolusion maipanggep iti nasao a banag gapu ta mabalin met daytoy a pagsasaritaan daytoy iti quarterly meeting.
Kabayatanna, kunana a saanen a masapol nga ipublikar ti pannakaiyuswat ti panagimbestigar kadagiti kaso a pammaltog tapnu saan a makaperdi iti imbestigasion dagiti otoridad.
