LAOAG CITY – Inpakaammo ni Mayor James Bryan Alcid nga agkiddaw daytoy iti augmentation iti kapulisan ditoy siudad ti Laoag.
Daytoy ket iti baet iti panagkurkurang iti personnel ti Philippine National Police ditoy siudad.
Kunana a kasapulan ti population to police ratio ken nabayag daytoy a probleman.
Nupay kasta, saan nga daytoy ti nanglapped iti panagbaba ti crime rate ditoy siudad.
Innayonna nga immunan a naduktalan daytoy ni Konsehal Jason Perera iti dakkel a panagkurang ti bilang dagiti PNP personnel iti siudad.
Maipalagip nga immunan nga inbatad ti Chief of Police Retorar nga adda ti 40% wenno sumurok kumurang a 100 iti bilang ti kurang a personnel iti siudad.
