LAOAG CITY – Kinumpirmaran ni Mayor James Byan Alcid ti kiddaw a nayon a tulong ti Departent of Education (DepEd) Laoag para iti agbantay kadagiti pagadalan ken metal detector para iti kinatalged dagiti estudiante.
Daytoy ket kalpasan iti napasamak nga shooting incident iti maysa a pagadalan idiay Tacloban City.
Kunana ngaa insigida a nangiwayat daytoy iti pannakitaripnong kadagiti Barangay Tanod tapno urnosen ti schedule dagitoy no sadinno nga agsisinublatda tapno saanda a marigatan.
Innayon pay ni Alcid a gumatangda ti metal detector tapno makita ken masigurado pay ti kinatalged dagiti estudiante iti uneg ti pagadalan.
Kabayatanna, namnamaen ti Mayor nga iti babaen daytoy ket adadda a maiyadayo ti risgo dagiti estudiente ken saanna a kayat a mapasamak ditoy iti shooting incident idiay Tacloban City.
