LAOAG CITY – Kiniddaw ni Mayor Michael Marcos Keon ti panagan-anus ti publiko seknan ti sitwasyon ti Gilbert Bridge gapo ta awan ti maramidan da iti daytoy.
Segun kenni Keon, ti nasao a banag ket sakop ti Dept. of Public Works and Highways.
Nupay kasta, kunana a namin-ano na metten a kisarita dagiti pannakabagi ti ahensya pakairamanan ti regional Director.
Daytoy ket gapu ta intono tawen 2024 ket marugyananen a marehabilitar daytoy babaen ti Dept. of Public Works and Highways no sadinno naiyalukaren ti pondo a 40 a milyon a pisos.
Kabayatanna, Inlawlawag ni Engr. Maricel Batuac a ti rason nu apay a kastoy ti sitwasyon ti Gilbert bridge ket gapu ta saan a napintas ti pannakatarimaan na.
Innayon na ti vikings construction ti nangtarimaan iti daytoy idi tawen 2016 ken expansion joint ket akin baba imbes nga ngato rason nga agregreg ti aspalto ken pinarabawan da dagiti nagsasaipan na ti aspalto.
