LAOAG CITY – Nakaposas ni Mayor Jessie Ermitanio ti Marcos Ilocos Norte a naipan iti Ilocos Norte Police Office kalpasan a naalaan ti illegal nga armas ken balbala iti naisayangkat a search operation dagiti utoridad.
Naala iti balay ni Ermitanio iti Brgy. Lydia, Marcos ti naruay a bala ken armas kas iti 1 nga M-16 armalite rifle, 1 nga AK 47, ken dua nga air gun, magazines ken nadumaduma a dokumento.
Saan met a pinirmaan ni Mayor Ermitanio ti inventory dagiti armas a naala iti bubon iti likud ti balay na a maysa a baby armalite ken dua a caliber 45.
Malaksid kadagiti naala iti balay ni Ermitanio iti Brgy. Lydia ket naala pay iti kubo-kubo na iti Brgy. Cacapean Marcos ti 1 a rifle grenade, 1 a shotgun ken 1 a bullet proof vest.
Lima a patrol car ti PNP ti nagserbi nga escort ni Ermitanio iti pannakaitulod na iti Ilocos Norte Police Office.
