LAOAG CITY – Nakaawat ni Mayor Rafael Benemerito iti ili ti Pagudpud ti pammadayaw a Military Merit Medal (MMM).
Ti nasao a pammadayaw ket inyawat ni BGen Khrisnamurti A. Mortela PA, Commander iti 702nd Infantry Brigade, 7ID, Philippine Army.
Ni Mayor Benemerito ket agdama a miembro ti 101st Ready Reserve Infantry Battalion (101st RRIBN) nga iti agdama ket addaanen ti ranggo a captain.
Napadayawan ni Benemerito gapu iti maibilang a meritorious ken naidumduma serbisyo na kas miembro ti Reserve Force, Armed Forces of the Philippines iti pannakaiyuswat ti Development Support Operation a dakkel a makatulong iti panagpatalinaed ti kapya ken seguridad.
Maipalagip a ni Mayor Benemerito ti simmukoan dagiti sumagmamano a rebelde a residente iti ili ti Pagudpud.
