LAOAG CITY – Nagballaigi dagiti otoridad a nangtiliw iti maysa a wanted person a babai kalpasan ti 18 a tawen sipud napilaan ti kaso a theft.
Ti akusado ket agtawen ti 41, taga Barangay Pug-os, Cabugao, Ilocos Sur ngem natiliw iti Barangay Macabiag, Sinait Ilocos Sur.
Segun ken ni Police Capt. Jackson Sugayen, ti chief of police iti ili ti Banna, tiniliw da ti akusado babaen ti bileg ti warrant of arrest nga inparuk-at ni Judge Manuel Argel Jr. presiding judge ti Regional Trial Court Branch 65 ditoy siudad ti Laoag.
Inbatad ni Sugayen a naiparuk-at ti warrant of arrest idi Mayo 2005 ken narekomendaran ti akusado ti 20 ribo a pisos a piyansa para iti temporaryo a pannaka-wayawaya na.
Manamnama a maiturn-over ti akusado iti korte a naggapwan ti warrant of arrest.
