LAOAG CITY – Maysa a babai ti pimmusay kalpasan a nalmes iti kangitingitan ti iduduprak ti bagyo Egay iti Barangay Madupayas iti ili ti Badoc.
Daytoy ti kinumpirmaran ni Police Major Joseph Tayaban, ti chief of police iti ili ti Badoc.
Binigbig ni Tayaban ti biktima a ni Katrine Grace Fagaragang y Semana, agtawen ti 31, addaan ti rangkap ti bagi ken residente iti nadakamat a barangay.
Inlawlawag ni Tayaban a basar iti imbestigasyon da ket nagbakwit ti biktima kadwa na ti ina na iti balay ti lola na a nangatngato ti pagtaengan na kalpasan a ngimmato ti lebel ti danom iti ayan ti balay da gapu ta igid laeng ti karayan.
Nupay kasta, saan a napuutan ti ina ti biktima a nagsubli daytoy iti balay da kabayatan a napigsa ti tudo no sadinno nga idi bimmaban ti lebel ti danom ket ditoyen a nakita da ti bangkay ni Fagaragang.
Nakita ti nasao a biktima iti agarop 8 agingga iti 10 a metro ti kaadayo na manipod iti balayda.
