LAOAG CITY – Ballaigi a naarestar ti maysa babai kalpasan ti niayuswat a drug buybust operation iti Brgy. 20 Paratong iti ili ti Paoay.
Nabigbig ti suspek nga agtawen ti 30, naasawaan ken residente iti Brgy. Baoa West iti siudad ti Batac.
Ti pannakaarestar ti suspek ket babaen iti nagtitipon a pwesra ti PPDEU ken PIU, PNP-Paoay, PNP-Batac, PDEA, INPO, RID ken RPDEU1 nu sadino a naaktoan a naglako ti maipagarup a shabu iti pulis a nagpammarang a poseur buyer.
Nakumpiskar manipod iti ikot ti suspek ti maysa a sachet ti maatap a shabu nga isu ti nausar iti operasyon, lima nga a sachet ti maatap a shabu a naipalaon iti uneg ti pouch, P1,000.00 a genuine money wenno nausar a buy-bust money uppat a ribo a pisos a boodle money, 943 a pisos a personal a kwarta ken cellphone.
Mapatta-patta nga agdagsen amin iti dua a gramo dagiti nakumpiskar a maipagarup a shabu ken agbalor ti 13,200 a pisos.
Nagtalinaed iti kustodyar dagiti otoridad ti suspek ken manamnama a sumnago iti kaso a panaglabsing ti Sec. 5 ken Sec 11 ti RA 9165 wenno Comprehesive Dangerous Drugs Act of 2002.
Naamoan nga adda iti listaan dagiti masipsiputan nga indibidual ditoy probinsya ti suspek sakbay a naiyuswat ti operasyon.
