LAOAG CITY – Kinumpirmaran ni Police Major Roldan Suitos, chief of police ti PNP-Sarrat ti pannakaparti a taraken ni Rogelio Balino idiay Barangay 20, San Jose iti nasao nga ili.
Segun kenni Suitos, awan pay ti pamalpalatpatan da no saisinno dagiti nangparti iti nasao a taraken ni Balino.
Inbatad ni Suitos a ti laeng inbati dagiti suspek ket dagiti lalaem ti baka nga agbalor ti 29 a ribo a pisos.
Inlawlawag na a posible nga inlako wenno inparuga dagiti suspek dagiti innala da a parte tri baka.
Kuna pay ti hepe a ti taraken a baka ket saan a maiyap-apun ti rabii, ken agarop maysa a kilometro ti kaadayo na manipud iti balay ni Bolino.
Innayon na a nalaka laeng daytoy a matakaw gapo ta adda daytoy kakaykaywan iti nasao a barangay.
Naamoan nga addan dagiti dati a report a panagparti ti baka iti nasao nga ili ken addan dagii nakaswan da nga indibidwal gapo iti daytoy.
