LAOAG CITY – Pabor ni Mr. Andy Doronio, baker ken agtagikua iti maysa a bakeshop ditoy ciudad ti Laoag iti pannakaipangato ti presyo dagiti mailaklako a cake gapu iti panagngato ti presyo ti itlog.
Nupay kasta, kuna ni Doronio a saan a mabalin a biglaen da ti agipangato ti presyo dagiti produkto da a cake gapu ta amangan no mabigla dagiti customers da.
Inlawlawag na a masapol a tingitingen da a naimbag no mano ti rumbeng nga inayun da a presyo dagiti produkto da.
Inpalgak na pay nga ikonkonsiderar da a pagtalinaeden da ti presyo ngem ibasbassit da laeng ti kadakkel na
Saan da a mabalin a kissayan dagiti ramen na gapu ta maperdi ti kalidad dagiti aramiden da a cake.
Innayon na a dakkel ti epekto na iti produkto da ti panagngato ti presyo ti itlog ken dagiti dadduma pay nga us-usaren da kas ti asukar ken arina isut gapuna a dakkel a karit para kadakuada nga addaan ti bakeshop daytoy.
