LAOAG CITY – Naipaayan ti 20 a ribu a pisos ti maysa a centenarian manipud iti Barangay Puttao iti ili ti Solsona.
Nabigbig daytoy a ni Mrs. Dionicia Claro a nagselebrar ti maika-100 a panagkasangayna idi Septiembre iti napalabas a tawen.
Basar iti lokal a gobierno iti ili ti Solsona, ni Lola Dionicia ket maibilang nga isu ti kaunaan a centenarian naipaayan ti pammigbig iti lugarda.
Namnamaen ti lokal a gobierno a ti naipaay a financial assistance ket dakkel a makatulong iti kasapulan iti inaldaw-aldaw ti maseknan a centenarian.
Kabayatanna, manamnama a maipaayan pay ti 100 a ribu a pisos ni Lola Dionicia manipud iti gobierno nasional iti mabiit.
