LAOAG CITY – Inadmitir ni Mr. Christian Agsalda y Acacio, maysa a construction worker, taga Barangay San Ramon, a tinakaw na ti maysa a tricycle iti Barangay Pias Alviar iti nadakamat nga ili.
Nupay kasta, saanen a nagpainterview ken nangipaay ti palawag na no apay a naaramid na ti krimen.
Kabayatanna, inbatad ni Police major Joseph Baltazar, ti chief of police iti ili a Vintar, natiliw ni Acacio babaen kadagiti opisyal ti barangay.
Inlawlawg na a nadlaw ti agtagikua ti motorsiklo nga adda ti maan-andar a motor isut gapuna a napanna kinita ti lugan na .
Kuna na nga idi saan a makita ti maseknan ti motorsiklo na ket nagtaray a rimuar ket ditoy a nakita na a pagan-andaren ni Agsalda ti luganna.
Inbatad ni Baltazar a nairana met ti panagpatrolya dagiti opisyal ti barangay ket ditoy a nagpatulong ti maseknan.
Naamoan a saan a naikkat ti tulbek ti motorsiklo iti mismo a lugan.
Gapu ti daytoy, inbalakad ni Baltazar kadagiti adda lugan na a saan da nga ibati ti tulbek ken ilock da a naimbag tapno saan nga alisto a maitaray dagiti mannanakaw.
Segun ken ni Baltazar, pilaan da ti reklamo a carnapping ti suspek.
