LAOAG CITY – Nakigtot dagiti tallo nga estudyante kalpasan a nakitada ti maysa a hand grenade iti mismo nga excavation construction road iti Brgy. San Simeon iti ili ti Currimao.
Daytoy ti inbatad ni Barangay Chairman Rodel Pacnis iti Barangay Victoria, Currimao, Ilocos Norte.
Dagus nga inpaima ti Barangay Kapitan ti narekobre a granada kadagiti otoridad gapu ti panagamak dagiti residente.
Kinumpirmaran met ni Police Captain Michael Permison, COP iti ili ti Currimao a maysa nga M33 hand fragmentation granade daytoy, ken inpaimadan iti EOD team ti Ilocos Norte Police Provincial Office para iti naan-annay a disposisyon ti granada.
