LAOAG CITY – Mangiyuswat iti medical mission nga addaan ti tema nga “Operasion Bigay-Lunas” ti maysa a kompania ti agas babaen iti pannakibinnulig na iti City Health office ditoy ciudad ti Laoag intono Hunyo 6 ita a tawen.
Inbatad ni Dr. Rogdigo Catcatan, ti mangidadaulo ti City Health Office ditoy ciudad, a ti nasao a medical mission ket maigiddan iti panangselebrar ti kompanya iti founding anniversary da.
Segun ken ni Catcatan, dagiti laeng residente ditoy ciudad ti Laoag ti mabenepisyaran iti maiyuswat a medical mission.
Mainaig iti daytoy, ginutigot ti Catcatan dagiti umili ditoy ciudad ti Laoag a gundawayan ti nasao a medical mission gapu ta dakkel a makatulong kadakuada.
Ti medical mission ket maiyuswat iti Laoag City Auditorium mangrugi iti oras ti alas-otso ti bigat aginnga iti alas-tres ti malem.