LAOAG CITY – Maysa a komunidad dagiti katutubo idiay India ti nakaaramid ti baro a rekord ti lubong iti pannagna nga aggigiddan kabayatan a nakabatayda iti kawayan.
Ti organisasion a mangtengtengngel ti rekord a Guinness World Records ket nangpasingked a dagiti tattao ti Karbi ti Assam, India ket isuda dagiti world record holder ti titulo a “Longest Moving Line of People Walking on Stilts.”
Daytoy ket kalpasan a nagna dagiti 721 a kameng ti komunidad ti Karbi nga addaan iti determinasion a dimmanon iti 1.24 a milia ti kaatiddog iti prosesionda.
Inorganisar ti Karbi Anglo Autonomous Council ti record breaking attempt ket pinagtiponda daytoy iti maika-50 a Karbi Youth Festival a naiyuswat idiay Assam tapno mabigbig ti Guinness ti rekordda iti 10 a minuto.
Basar iti nangorganisar iti nasao nga aktibidad, inaramidda daytoy gapu ta saan laeng a tapno maaddaanda ti titulo a Guinness, kayatda pay a selebraran ti kultura dagiti taga-Kabri.
Ti pannagna kabayatan a nakatakder nga aw-awaganda iti “Kang Dong Dang” ket inaramid dagiti kapuonanda.
