LAOAG CITY – Nabigbig ti maysa a lalaki a ni Michal Mazurkiewickz idiay Poland kas baro a makin-iggem ti world record iti most simultaneous diving chess opponents iti intero a lubong.
Ti nasao a three-time world diving chess champion ket naaramidna ti baro a rekord babaen iti saggaysa a nauuneg a panagangesna sakbay daytoy a bumatok nga agpababa para iti kada chess move-na no sadinno ket inubrana daytoy ti namin adu a daras agingga a malpas ti maysa nga ay-ayam.
Mainaig iti daytoy, immabot iti nagsasaruno a 16 a game ti inaramidna ket 12 kadagitoy ket nangabak isuna, namin-tallo ti tabla ken idinto a naminsan laeng daytoy a naabak.
