LAOAG CITY – Kinumpirmaran ni Police Lt. Col. Rafael Lero, ti chief of police ti PNP-Laoag nga adda ti lalaki a nagbekkel iti paset ti maar-aramid a cell site iti Barangay 12 ditoy ciudad.
Segun kenni Lero, rumrumwar agarop maysa agingga iti dua nga oras pay laeng ti napalabas sakbay a nakita ti nakabitin a lalaki.
Inbatad na nga idi naibaba ti bagi ti lalaki ket nalukneng pay laeng daytoy.
Agpapan maisursurat ti damag ket saan pay a masinunuo no anya ti pakabigbigan ti lalaki.
