LAOAG CITY – Natiliw ti maysa a lalaki gapo iti panagsakibot na ti kalibre 45 a paltog nga addaan ti magazine ken nakaload ti siyam a bala ken ti maysa a bala nga adda iti chamber idiay ili ti Sarrat.
Binigbig ni Police Major Roldan Suitos, ti chief of police ti PNP-Sarrat ti lalaki a ni Narciso Mateo y Malvar, agtawen ti 53, naasawaan, caretaker ken residente iti Barangay 23, San Andres.
Segun kenni Suitos, adda ti naawat da a report a ni Mateo ket nakatugaw iti waiting shed nga adda ti paltog na ken nakumpirmaran daytoy dagiti pulis.
Inbatad na a basar ni palawag ni Mateo ket dati a tao ni dati a Mayor Abad iti nasao nga ili ken pangdepensa na laeng ti ikot na a paltog.
Kinumpirmaran ni Suitos a datin a natiliw ni Mateo gapo iti panagpaputok na ti paltog ken napilaan pay ti kaso idi 2015 kabayatan ti gunban.
Naala pay iti ikot ni Mateo ti maysa a beltbag, maysa a holster, maysa a magazine holster, dua a magazine nga addaan ti 24 a bala a nakaload ken awan ti naipresentar na a dokumento.
Kabayatanna, nagkedked ni Mateo a mangipaay ti komento seknan iti nasao a banag.
