LAOAG CITY – Naarestar ti maysa a lalaki kalpasan a naalaan ti maipagarop a marijuana iti checkpoint iti Barangay 24 iti ili ti San Nicolas.
Nabigbig daytoy a ni Simon John Beltran, 23, gasoline boy ken residente iti Brgy. 10 San Miguel, Sarrat.
Segun kenni Police Major Joseph Baltazar, chief of police ti PNP-San Nicolas, kabayatan nga agiyus-uswat dagiti otoridad ti checkpoint idi sinada da ni Beltran.
Naamoan nga idi nakapag-menor ket pinataray na ti motorsiklo na rason a kinamat dagiti pulis agingga a natiliw da met laeng daytoy.
Nakumpiskar dagiti otoridad ti masa a sachet ti maipagarop a marijuana nga inbakal na, ken naala iti compartment ti motorsiklo na ti 2 pay a sachet ti maipagarop met laeng a marijuana, ken lima a bala ti maipagarop a caliber 380.
Inbatad ni Baltazar a ni Beltran ket adda iti drug watchlist ti PDEU.
Kabayatanna, inpetteng ni Beltran a naimula laeng dagiti maipagarop a marijuana kenkuana ken saan na na a kukua dagitoy.
Inlawlawag na a nagsardeng iti checkpoint ngem maipagarop a saan a palubusan dagiti otoridad isuna agingga a naalaan ti droga.
Paset ti panagsarita ni Simon John Beltran iti Brgy. 10 San Miguel, Sarrat
