LAOAG CITY – Nasugatan ti maysa a lalaki kalpasan a maipagarop a tinagbat ti mismo a kaanakan na iti Barangay Raraburan ditoy ciudad ti Laoag.
Ti biktima ket agtawen ti 43, baro ken residente iti nasao a barangay idinto a ti suspek ket agtawen ti 32, baro, tricycle driver.
Iti imbestigasyon dagiti ototidad, ti suspek ken ti kasinsin na ket naaddaan ti saan a nagkinnaawatan iti mismo a sango ti balay ti suspek.
Gapo iti daytoy, naganawa ti biktima ngem gapo ta adda ti “bolo” ti suspek ket tinagbat na daytoy a rason a nasugatan ti tengnged ken akin-kannawa a kikit ti ima daytoy.
Dagus met a naganawa dagiti kabagyan dagitoy ken naitaray iti Gov.Roque Ablan Senior Memorial Hospital ti biktima idinto a ti suspek ket naipan iti PNP-Laoag.
Narekobre met dagiti otoridad ti bolo a nausar iti panagtagbat.
Iti agdama ket addan iti nasayaat a kasasaad ti biktima.
Mainaig iti daytoy, ti rumrumwar a rason ti nagriryan ti suspek ken ti kasinsin na ket gapo iti kwarta a naglakoan ti daga a kukua ti pamilya da.
