LAOAG CITY – Natay ti maysa a lalaki kalpasan a nalmes iti karayan iti Sitio Timpuyog, Barangay Burayoc iti ili ti Pagudpud.
Binigbig ni Police Major Eduardo Santos, ti chief of police ti PNP-Pagudpud ti biktima a ni Ronnel Ramos, agtawen ti 35, maysa a mannalon ken residente iti nasao a barangay.
Segun kenni Santos, idi malem kalman ket nakita ni Ericson Ramos, agtawen ti 33, nagawid iti pagtaengan da ti kabasat na a biktima ken innala na ti swimming gogle ken usaren na daytoy nga agpana iti lames iti karayan.
Nupay kasta, iti pasado alas-diyes ti rabii ket saan da pay a napasangpet rason a napan da iti karayan ken nakita da nga agtatapaw ti kabsat na partikular iti sirok ti rangtay.
Inbatad na a gapo iti daytoy ket dagus da nga inreport iti PNP-Pagudpud ti napasamak naduktalan a nalmes ti biktima.
Kuna na a a basar iti pamilya ti biktima ket adda iti impluwensya ti nasanger idi napan iti karayan.
Naamoan nga arig na ket inaldaw a mapan iti karayan uray no nakainom ti nasanger.
Kabayatanna, awan met ti nakita a foul play dagiti otoridad iti pannakalmes ti biktima.
