LAOAG CITY – Naireklamo ti maysa a videoke bar iti Barangay 16 iti ili ti San Nicolas iti Lokal a Gobierno no sadinno a problema dagiti sumagmamano nga assawa a babbai.
Ti nasao a videoke bar ket paset ti cockpit arena iti nasao nga ili.
Daytoy a reklamo ket indanon dagiti assawa a babbai no sadinno nga agturong dagiti assawada gapu iti maipagarup a babbai nga isu ti rantaenda iti nasao a videoke bar.
Mainaig iti daytoy, basar iti Business Permit and Licensing Office (BPLO) a daytoy ket nakarehistro kas karinderia, sari-sari store, ken videoke bar.
Naipakaammo met nga insigida ken ni Mayor Edmar Vincent Bonoan daytoy a problema ket impasiguradona ti nasayaat a panangkitana no ania pay dagiti dadduma a serbisio nga ipapaay dagiti empleado tapno masolbar iti nasao a reklamo.
Kabayatanna, daytoy a reklamo ket gapu ta adda ti nagturong iti Bombo Radio Station ken timmawag iti telepono tapno maipakaaammo dagitoy a reklamo iti videoke bar.
