LAOAG CITY – Inbatad ti Philippine National Police Criminal Investigation and Detection Group (PNP CIDG) a nakasaganan a sumango ni Senator Rodante Marcoleta iti Sandiganbayan para iti kasona a plunder case hearing inton Mierkoles, Hulio 15.
Segun ken ni Criminal Investigation and Detection Group (CIDG) National Capital Region (NCR) chief Col. John Guiagui nga a nasayaaten ti salun-at ni Marcoleta.
Kunana a maururay laengen dagiti dokumento para iti salun-atna a maidatag iti Sandiganbayan.
Dimmalan pay ni Marcoleta iti naisina a medical examinaton iti Philippine General Hospital (PGH) idiay Manila.
Innayonna a nangiwayat ti Philippine General Hospital (PGH) ti 2D scan, x-ray, blood test, respiratory test ken ti physical examination.
Kabayatanna, innayon ti Philippine National Police Criminal Investigation and Detection Group (PNP CIDG) chief a nakadepende ti Sandiganbayan no ‘fit’ ni Marcolera a maiyakar iti jail facility.
