LAOAG CITY – Gapu iti saan a panagkinnawatan bunga ti kaadda ti impluwesiya ti nasanger, nabagkong ti maysa a lalaki ti bukod na a kabsat idiay Sitio East, Brgy. 13, Libnaoan, Piddig, Ilocos Norte.
Nabigbig ti supek a ni Lhionel Manuel y Alipio agtawen ti 31 awanan ti asawa, adaan ti single live-in partner, driver/helper mango fruit dealer a ken residente ti nasao a barangay.
Nabigbig met ti biktima a ni Larry Manuel y Alipio, agtawen ti 28 awanan asawa, maysa a delivery boy.
Iti inisyal nga imbestigasuyon ti PNP Piddig babaen ti panangidaulo ni P/SInsp. Jephre S. Taccad, naggiinum dagiti agkabsat kadua da dagiti kasinsin da a da Marcelino Gorospe, Alwin Co ken Dennis Abes, agpapda a residente met iti nasao a barangay idi adda iti rimsua a saan da a panagkinnawatan.
Nagawana ti ama da a ni Wilfredo Manuela ngem maipagarup a saan a nagpakaanawa ti suspek gapu ta nangala ti imuko nga agatiddog ti 9 a pulgada kalpasan na ket binagkang na ti kabsat na.
Natamaan ti bukot ti biktima kalpasan nagtaray ti suspek iti saan nga ammon a direksiyon.
Naitaray met ti suspek iti Piddig District Hospital babaen ti ama na.
Iti follow-up operation ti PNP, natiliw da ti suspek nga adda a makiminminatay iti kaaruba da.
Agtultuloy ti imbestigasyon ti nasao a pasamak.
