LAOAG CITY – Nabagkong ti maysa a lalaki iti ili ti Vintar babaen iti bukod na a kabsat.
Nabigbig ti biktima a ni Jeffrey Reyes, agtawen iti 43, awanan asawa, maysa a mannalon ken residente ti Bgy. 25 Tamdagan iti nasao nga ili.
Nabigbig ti suspek a kabsat na a ni Jackson Reyes, agtawen iti 33, awanan asawa, maysa met la a mannalon ken residente iti nasao a lugar.
Naamuan nga idi rabii agarup alas alas 9:14, nagriri dagiti agkabsat gapu iti saan a panagkinaawatan a poon iti maipagarup a nangbagkongan ni Jackson ni manong na a ni Jeffrey a nakatamaan ti barokong na.
Naitaray ti biktima iti Gov. Roque Ablan Sr. Memorial Hospital idinto a ti suspek ket naarestar babaen kadagiti nagresponde a kameng ti PNP.
