LAOAG CITY – Naireklamo ti maysa a lalaki gapo ti panangserrek na iti pagtengan ti agangan ti Josephine Abian y Jacinto, agtawen ti 66, balo ken residente ti Brgy. 2 ditoy ciudad ti laoag.
Nabigbig daytoy a ni Pablo Manuel, addaan ti umno nga edad ken residente iti nasao a barangay.
Segun ti palawag ni Abian, idi laeng malem kalman, kabayatan nga adda iti sangwanan ti pagtaengan da idi kellaat lattan a simrek ni Manuel.
Awan ti ammo a rason ni Abian no apay a simrek lattan iti balay da ti lalaki no sadinno ket nagprobokar.
Rumrumwar a ti nasao a lalaki ket adda iti impluwensya ti nasanger kabayatan ti pasamak.
Iti biang ti PNP, inpaima na daytoy iti barangay tapno ditoy ti pakatrataran na.
