LAOAG CITY- Natay ti maysa a lalaki kalpasan a daytoy ket aksidente a nakuryente bayat nga agikabkabil iti “electric signage” iti ili ti Paoay.
Nabigbig ti biktima a ni Elmar Menez, agtawen iti 29, awanan asawa empleyado ti Eugene’s Tarpulin ken residente iti Bgy. Caoacan ditoy ciudad ti laoag.
Iti palawag ni Roland Van Alimbuyuguen, agtawen iti 19, awanan asawa, maysa a negosyante ken residente iti Bgy. Caunayan iti Ciudad ti Batac iti PNP-Paoay, adda ti biktima iti ngatuen ti poste ti kuryente gapu ta ikabkabil na ti nasao a signage iti White Cup
Building, a masarakan iti Bgy. Cabangaran iti ili ti paaoy idi ma-eletric shock a poon iti nakatennagan na.
Insigida a naitaray ti biktima iti Mariano Marcos Memorial Hospital and Medical Center idiay ciudad Batac ngem naideklara a dead on arrival babaen iti attending physician na.
Nagkari met ti pagtrabtrabahuan ti biktima a tumulong iti pamilya iti pimmusay nga empleyado na.
